Der folgende Artikel ist ein Satire-Artikel. Es kann sein, dass er nicht ganz ernst gemeinte Aussagen enthält.

Es kann aber auch sein, dass der Artikel irgendeine tiefgründige Botschaft vermitteln möchte.

Hawedere, a bluadige Gschicht woa des am Sonntag, den 13. November 2022…

Gegen 19:30 Uhr rief die geflügelte Adlerfraktion (die, mit dem großen, g’fiedertem Viech aufm Bugl – ihr wissts sichalich Bescheid!) zu am woschechtn Event auf ihram neichn Plotz auf. 16 varrückte Weaner hom si augmödet, um si gegen’dseitig in’d Goschn zum haun. Ja, ihr hobts richtig g’lesn – und dafia san um de 30 Zuschauer kumma und haum dafür bezoit, damit’s des Blutspektakel live mitverfolgen kina. Und i sogs eich: Der Eintritt woa jeden Cent wert. I bin jo grundsätzlich a Person, die jedem Konflikt ausm Weg geht (Leidln, die mi kennen, wissen ebenso Bescheid!). Ois ghoasn hod, dass ma durt mitrafa kau, hots ma olle Hoa aufgstöht. Oba waun da Chefe sogd, i muss dorthi zum hackln, dann duat ma des natürlich a, was da Chefe sogd (nehmts eich a Beispü an mia, liebe Hackler vo Wean!). Bei da erstn und zweitn Fetzerei hob i ma no fest die Augn zuadruckt, owa irgndwaun woa die Spannung greßa ois mei Aungst und i hob meine Glubscher goanimmer vo diesem Boxkäfig wegkriagt.

Zum Glick is koana mid an bluadich rotn Gsicht ham gaunga und wos mi a überroscht hod: Ned amoi de Valierer hom an Fotz zogn sondan noch jeda Fetzerei hot ma si di Haund greicht und sich bedaunkt. Des Finale woa übrigens mit so am Narrischen in am Eierbeißer. Brochd hot ihm de Unterflack trotzdem nix, am End von dera Gschicht kauns nur an Sieger geben: Aus vielleicht reinem Zuafoi wurde der Sieger Reiner Zufall. Wies der Zuafoi hoid so mechad – ma kennts. Ois Preis gabs entweder a Preisgöd oder an neichn Gatschhupfer. 

Niemois hätt i docht dass ma so a Wettkompf so a Gaudi, Spaunnung und Neugierde mocha kau. Daungsche numoi an olle Adler vo Wean für des tolle Event! 

Tschüss Baba, 

eure Teresa 

Autor: [Redakteurin] Teresa Winter im Namen d. AustriaX Media Group geführt v. Harama Ganesha